Geri qaytarma siyasəti

Sonuncu yenilənmə: 29 aprel 2026

1. Ümumi müddəalar

APY.AZ Platforması yalnız rəsmi dövlət strukturlarına aid cərimə və icbari sığorta ödənişlərinin onlayn yerinə yetirilməsini təmin edir. Platformada heç bir mal və ya xidmət satışı yoxdur — Platforma sadəcə müştərinin ödəməli olduğu rəsmi cərimə/sığorta məbləğini müvafiq dövlət qurumuna ötürən vasitədir.

Bu Siyasət ödənişin geri qaytarılması ilə bağlı şərtləri və qaydaları tənzimləyir.

2. Geri qaytarma halları

Aşağıdakı hallarda ödənişin geri qaytarılması mümkündür:

• İkili ödəniş: eyni protokol və ya sənəd nömrəsi üçün təkrarən ödəniş edildikdə;
• Texniki səhv: sistem xətası nəticəsində ödəniş yerinə yetirilməyib, lakin məbləğ kartdan çıxılıb;
• Ödəniş təsdiqlənməyib: kartdan məbləğ çıxılıb, lakin müvafiq dövlət qurumu tərəfindən ödəniş kimi qəbul olunmayıb;
• Yanlış ödəniş: səhv protokol/sənəd nömrəsinə ödəniş edilib və müvafiq qurum tərəfindən rədd edilib.

3. Geri qaytarılmayan ödənişlər

• Ödəniş düzgün protokol/sənəd nömrəsi ilə yerinə yetirilibsə və müvafiq dövlət qurumu tərəfindən qəbul edilibsə;
• Cərimə və ya sığorta məbləği müvafiq qurumun rəsmi qeydiyyatında bağlı kimi göstərilibsə;
• İstifadəçi ödənişi yerinə yetirdikdən sonra fikrini dəyişdiyi hallarda;
• Komissiya məbləği (ödəniş emal xidməti haqqı) — ödəniş uğurla tamamlandıqdan sonra geri qaytarılmır.

Belə hallarda istifadəçi ödənişi qəbul etmiş müvafiq dövlət qurumuna (DİN, AYNA, BNA, İcbari Sığorta Bürosu və s.) bilavasitə müraciət etməlidir.

4. Müraciət qaydası

Ödənişin geri qaytarılması üçün aşağıdakı addımları yerinə yetirin:

1. Texniki dəstəyə telefon vasitəsilə müraciət edin;
2. Aşağıdakı məlumatları təqdim edin:
   • Qəbz nömrəsi və ya əməliyyat nömrəsi (transaction ID);
   • Ödəniş tarixi və saatı;
   • Ödənilmiş məbləğ;
   • Geri qaytarma səbəbi (qısa izahat);
   • Bank kartının ilk 6 və son 4 rəqəmi (təhlükəsizlik üçün tam nömrə tələb olunmur).
3. Müraciətiniz nəzərdən keçirilir və 2 iş günü ərzində cavab verilir;
4. Müsbət qərar olduqda, geri qaytarma prosesi başladılır — məbləğ ödəniş edilmiş eyni karta köçürülür.

5. Geri qaytarma müddəti

Geri qaytarma müddəti banklar arası əməliyyat müddətindən asılıdır:

• Eyni bank: 1 — 3 iş günü;
• Fərqli bank: 5 — 10 iş günü;
• Beynəlxalq kart: 10 — 30 iş günü.

Məbləğ yalnız ödəniş edilmiş eyni bank kartına geri qaytarılır. Başqa karta, bank hesabına və ya nağd ödəniş şəklində geri qaytarma həyata keçirilmir. Əgər kartınız bağlanıb və ya etibarsızdır, kartınızı bərpa etmək üçün bankınızla əlaqə saxlamalısınız.

6. Əlaqə

Geri qaytarma ilə bağlı suallarınız və müraciətləriniz üçün:

• Telefon: +994552881127
• İş saatları: Hər gün 09:00 — 21:00