Sonuncu yenilənmə: 29 aprel 2026
Mündəricat
1. Ümumi müddəalar
Bu İstifadəçi Müqaviləsi (bundan sonra — "Müqavilə") APY.AZ onlayn cərimə ödənişi platforması (bundan sonra — "Platforma") və Platformanın istifadəçisi (bundan sonra — "İstifadəçi") arasında bağlanan elektron müqavilədir.
Platformadan istifadə etməklə İstifadəçi bu Müqavilənin bütün şərtləri ilə tanış olduğunu və onları tam qəbul etdiyini təsdiqləyir.
2. Xidmətin təsviri
Platforma yalnız rəsmi dövlət strukturlarına aid cərimə və icbari sığorta ödənişlərinin onlayn yerinə yetirilməsini təmin edir. Platformada heç bir mal və ya xidmət satışı həyata keçirilmir.
Hazırda Platforma vasitəsilə aşağıdakı qurumlara ödənişlər qəbul olunur:
- DİN — Daxili İşlər Nazirliyi (yol hərəkəti cərimələri);
- AYNA — Azərbaycan Yerüstü Nəqliyyat Agentliyi;
- BNA — Bakı Nəqliyyat Agentliyi (köhnə formatlı protokollar);
- İSB — İcbari Sığorta Bürosu.
Platforma yalnız ödənişin müvafiq dövlət qurumuna ötürülməsi üçün vasitəçi kimi çıxış edir. Cərimə və ya sığorta məbləğinin hesablanması, qəbulu və status dəyişikliyi müvafiq qurumun səlahiyyətindədir.
3. Qeydiyyat və müraciət
Platformada qeydiyyat tələb olunmur. Ödənişin yerinə yetirilməsi üçün İstifadəçi:
- Müvafiq xidməti seçməli (DİN, AYNA, BNA, İSB);
- Düzgün protokol və ya sənəd nömrəsini daxil etməli;
- Bank kartı məlumatlarını təqdim etməli;
- Ödənişi təsdiqləməlidir.
4. Ödəniş və komissiya
Ödəniş Visa, Mastercard və ya digər dəstəklənən bank kartları, eləcə də Apple Pay, Google Pay vasitəsilə həyata keçirilə bilər.
Ödəniş əməliyyatına görə komissiya tutula bilər. Komissiya məbləği ödəniş səhifəsində açıqca göstərilir və ödəniş təsdiqlənmədən öncə İstifadəçinin diqqətinə çatdırılır.
Ödəniş uğurla tamamlandıqdan sonra məbləğ dərhal müvafiq dövlət qurumunun hesabına köçürülür və İstifadəçiyə elektron qəbz təqdim edilir.
5. İstifadəçinin öhdəlikləri
İstifadəçi öhdəlik götürür ki:
- Düzgün və dəqiq protokol/sənəd nömrəsi daxil etsin;
- Yalnız özünə məxsus və ya istifadə hüququ olan bank kartlarını təqdim etsin;
- Platformadan qanunsuz məqsədlər üçün istifadə etməsin;
- Ödənişdən öncə bütün məlumatları (məbləğ, protokol nömrəsi) yoxlasın;
- Saxtakarlıq və ya başqasının kartından icazəsiz istifadə hallarına yol verməsin.
6. Platformanın öhdəlikləri
Platforma öhdəlik götürür ki:
- Ödəniş əməliyyatlarının təhlükəsiz yerinə yetirilməsini təmin etsin;
- SSL şifrələmə, 3D Secure və PCI DSS standartlarına riayət etsin;
- İstifadəçinin şəxsi məlumatlarının məxfiliyini qorusun;
- Texniki dəstək xidmətini gündəlik 09:00 — 21:00 saatlarında təmin etsin;
- Sistem nasazlıqları halında məlumatlandırma və problemi tez bir zamanda həll etsin.
7. Məsuliyyətin məhdudlaşdırılması
Platforma aşağıdakı hallarda məsuliyyət daşımır:
- İstifadəçinin yanlış protokol/sənəd nömrəsi daxil etməsi nəticəsində baş verən səhv ödənişlər;
- Bank və ya ödəniş emal sistemləri tərəfindən baş verən gecikmələr;
- Müvafiq dövlət qurumunun ödənişin qəbulunda və ya statusun yenilənməsində gecikməsi;
- İstifadəçinin internet bağlantısı və ya cihazı ilə bağlı texniki problemlər;
- Force majeure halları (təbii fəlakətlər, dövlət qərarları və s.).
8. Mübahisələrin həlli
Tərəflər arasında yaranan mübahisələr ilk növbədə danışıqlar yolu ilə həll edilir. Razılıq əldə olunmadığı halda mübahisə Azərbaycan Respublikasının qanunvericiliyinə uyğun olaraq səlahiyyətli məhkəməyə təqdim olunur.
Geri qaytarma ilə bağlı mübahisələr Geri qaytarma siyasəti-nə uyğun həll edilir.
9. Əlaqə
Müqavilə ilə bağlı suallarınız üçün:
- Telefon: +994552881127
- İş saatları: Hər gün 09:00 — 21:00
- Sayt: apy.az